Hverjum er ekki sama?

Við Íslendingar megum ekki vera svona uppteknir af því hvað öðrum þjóðum finnst um það sem við erum að gera.
við þurfum að standa fast á okkar stefnu og ekki tapa sjálfstæðinu fyrir skoðunum annara þjóða.

Ef við grípum ekki til allra ráða sem hugsast getur, er viðbúið að við munum standa á byrjunarreit þar sem okkur verður stjórnað eins og hverjum öðrum vesalingum sem höfum ekki skoðanir eða þor til að takast á við framtíðina.

Til að mynda var talið að Hvalveiðar hefðu gríðarlega neikvæð áhrif á ferðaþjónustu og ég tala nú ekki um það að okkur skildi detta það í hug að byggja Kárahjúkavirkjun...

En hvað kemur svo í ljós? Miklu fleiri ferðamenn leggja leið sína til Íslands og hafa gríðarlegan áhuga á að sjá bæði okkar fallega land og kynnast þjóðmenningu okkar, sennilega vegna þess að við erum ekki enn eins og fjöldinn erlendis sem ekkert er spennandi lengur.

Við eigum að nýta auðlindir okkar með skynsamlegum hætti og þar eru hvalveiðar engin undantekning frekar en veiði á Þorski sem haldið hefur lífinu í þjóðinni allt til ársins 2007 þegar okkur var talið trú um það að eina raunhæfa sóknarfærið væri hjá bönkunum og útrásarvíkingunum sem teiknuðu auðævi á exelskjölum til að fá sauðsvartann almúgann til að fjárfesta í spillingunni með þeim fáu aurum sem þeir áttu......Til hamingju með það.

Hvað kemur svo í ljós við bankahrunið? Jú það að við verðum að standa vörð um Íslenskan sjávarútveg og landbúnað. Þessir tveir undirstöðu atvinnuvegir þjóðarinnar eru nefnilega að koma þjóðinni í gegnum erfiðasta tímabil seinna ára eins og ævinlega,

Sjávarútvegurinn með öflun gjaldeyris og landbúnaðurinn með framleiðslu á matvælum sem við ella þyrftum að flytja inn með tilheyrandi gjaldeyriskostnaði.

Nú þurfum við bara 5 manna framkvæmdastjórn til að stýra þjóðarskútunni í gegnum brimið og ég legg það til að við greiðum þessari framkvæmdastjórn sömu laun og við erum að greiða okkar misvitru stjórnmálamönnum í heild sinni í dag.

 Guð blessi Íslendinga 

 

 

Spörum fyrir okkur öll!

Ég hef lengi verið þeirrar skoðunnar að Íslenska ríkið ætti ekki að standa straum af launagreiðslum til presta né annars kostnaðar sem viðkemur trúarbrögðum.

Tel það miklu eðlilegra að hver sóknarnefnd fyrir sig ráði því sjálf hvern hún ræður til að gegna starfi prests og hvaða laun á að greiða.

Ef farin yrði þessi leið er alveg búið að fyrirbyggja leiðindi sem skapast vegna skipunar presta í ákveðin prestaköll og allir í sókninni hafi þá atkvæðisrétt og meirihlutin réði, eins og eðlilegt verður að teljast.

Það hlítur að teljast nokkuð sanngjarnt að jafnt skuli yfir alla ganga og ekki hygla þjóðkyrkjunni frekar en öðrum trúarsamfélögum.

Ef ég trúi á Guð, sem skapara himins og jarðar og tel mig geta fundið ró og sálarfrið með því, þá er ég jafnframt tilbúinn til að takast á við þær skuldbindingar sem hljótast af því að hafa starfsmann sem boðar það fagnaðarerindi.

Sama á við um önnur trúarbrögð og að sjálfsögðu eigum við að bera virðingu fyrir skoðunum og trúarbrögðum annara og er þá um leið búið að fyrirbyggja ofsóknir og styrjaldir sem geysað hafa um aldir vegna mismunandi trúarbragða.

Verum skynsöm, njótum þess sem við eigum og trúum á.

 

Leyfi séra Gunnars framlengt